E' Risturâñt

Al pietâñz

In tòta la Rumagna u j è la pasióñ par la bóna têvla, mo a cvè da nó, in stè cantóñ d tëra, u j è pröpi d' j artèstar in cušěna.

I piët j'è rigurošaměñt tòt cvènt preparé a mâñ, cun i prudòt da cvè de pöst.

Al pietâñz piò caraterèstichi che t pù gustê':

• pâñ e "grissini" d farěna integrêla
• lunghèt cundì cun al vardùr d stašóñ
• turtlěñ agl' érb sambêdghi
• stracöt a e' věñ Bursôn

Par dal cerimóni, dal fëst o di cunvègn, u s' pò prenutê' dal purtêdi speciêli fàti apösta.

Al sêl

Al sêl agl' è aredêdi cun di mòbil d famèja, intìg, de sécul pasê.

Ardòta e adata par fê' d trèb l'è la sêla cun e' caměñ, grânda e pina d luž cvèla di cunvêgn e dal cerimóni, cun la musica e pu dòp, fura, něñca i fug dla žirândula.

E' žarděñ

Int i mis piò chéld u s' pò magnê' fura, a l'aria avérta, par gudés e' frèsc sòta agl' êlbar, o andêr a spas par pusês.